انا؟ أنت؟

(هذه الكلمات تقرأ بالعامية)

قالولى بقيت شبهك حبيت ملامحى،ورحت لأقرب مرايا غمضت عينى وبوست شفايفى، ولما اتماديت دورت ولفيت وأنا حاضنة نفسى،فجأه لقيت قلبى فيا بيصرخ:ده مش هو ده أنتى!فتحت عينى لقيتنى لوحدى،ونزلت دموعى تدوس على خدى،ودعيت ان الأيام تعدى،بس السؤال...حسيت بقربى؟أنا كنت حاسة انك فعلا فى حضنى

بدونك

أنا فى غيابك ورقة تحت الرمال،دموع امرأه تتحلى بصمت الرجال،داخلها طفلة خائفة وسط الصحارى والأدغال،تحمل ألم أم تصرخ وسط القتال،بدونك أنا دمعة تروى الجبال

أيامنا

(ملحوظة هذه الكلمات تقرأ بالعامية)
يمكن تكون بتقول زيي:ليه الأيام كانت بتجرى؟وأول ما غبت عنى حاسيت انها لسة بتحبى!كل الساعات وقفت أول ما فارقت أحضانى،كل دموع الحزن حلمت لو ترجع ثوانى!وعاتيبت بلادى ليه تخلينا نعانى!؟يمكن تكون مش قادر تشوفنى وأنا مقدرش ألمسك،لكن قلبك بيوصفنى وأنا باحساسى بحضنك،مهما الأيام تكون بطيئة هاتعدى وهكون معاك لوحدى، اوعى تقول كنت معاها فى أسعد وقتى،لكن قل بكرة أيامى معاها وردى،كل ثانية بتفوت بتقربك عندى،شوف كام ثانية عادت وأنت بتقرأ رسالتى

نعم هذه انا

يا من احسستنى أنى أستحق الحياه،اصرخ لكل البشر بصوت الصدى،قل لهم أنى امرأه صالحة،وأن بحضنى دفء عميق،وبعينى حنان يأسرك من أى ضيق،انى قلب صديق

كونى عاشقة

ليست كل جميلة امرأه عاشقة،لكن كل عاشقة امرأه جميلة

بكل اللغات

بلغة الطفل(بحبك أأأأأأأأأأأأأأأأأأأد الدنيا)،وبلغة الأم(ياأغلى من عنية)،بلغة الحبيبة(محتاجة قبلة تدفينى شوية)،أما بلغة الزوجة(يا تاج راسى يخليك ليا)،بكل اللغات أنا كلى لك هدية

عفوا...هكذا أحب!

سألوني ان القاء أهم ما فى الحب،فكيف الحب بدونه؟ فقلت:لكن الأهم لقاء القلب فهو أصدق من لقاء عيونه،فقالوا:لكن الشوق احساسه صعب فكيف تحتملين جنونه؟فقلت:قد نشتاق ونحن فى أحضان بعض،فمن قال أن للحب قانونه!